UCHAFU KATIKA SOKO LA MBAUDA WAWAKERA WAFANYABIASHARA KATIKA SOKO HILO.

 Hali isivyo ya kuridhisha katika soko la mbauda lililoko mkoani Arusha katika kata ya sombetini kutokana na kutapakaa kwa uchafu.   picha na Rosemery Mmbando.

          

  Wafanya biashara katika soko la Mbauda mkoani Arusha wameulalamikia uongozi wa kata ya sombetini lilipo soko hilo juu ya uchafu unaoletwa na wakazi wa jirani na soko hilo.

Akizungumza na muandishi wa habari hizi mmoja wa wafanyabiashara hao Bwana Mikaeli Materu amesema kuwa uchafu wa soko hilo unachangiwa na majirani wa soko hilo kuleta takataka kutoka majumbani mwao.

                 Bwana Mikaeli Materu akitoa maelezo wakati akizungumza na muandishi wa habari sokoni                    hapo . Picha na Rosemery Mmbando.

Bwana Materu ambaye ni mfanya biashara wa sokoni hapo tangu miaka ya 1990 amesema uchafu kama nywele na ngozi za wanyama ni uchafu usiozalishwa sokoni hapo lakini utaukuta katika mazingira ya soko hilo.

Akibainisha changamoto nyingingine bwana Materu amesema ukosefu wa mtaro wa maji taka sokoni hapo ni kero ambayo inawasumbua na hujitokeza zaidi katika kipindi cha mvua.

Pamoja na kuwa na kero hizo Bwana Materu amesema licha ya wenyeji na uzoefu alionao sokoni hapo hatambui kama kuna uongozi wa soko au lah.

                        Mpangilio mbovu wa wafanya biashara na mazingira machafu katika soko la mbauda                                       mkoani Arusha.  Picha na Rosemery Mmbando. 

Juhudi za kumpata diwani wa kata ya sombetini Bwana Ally Bananga hazikufanikiwa kutokana na kutokuwepo katika ofisi ya kata hiyo.Bwana Materu alimaliza kwa kuuomba uongozi wa kata hiyo na halmashauri kuboresha mazingira ya soko ili kupunguza msongamano wa wafanya biashara katikati ya jiji la Arusha.

                 Biashara zikiendelea sokoni hapo bila ya kujali hali ya usafi wa mazingira yenyewe. 

                 Picha na Rosemery Mmbando.

Soko la Mbauda katika kata ya Sombetini mkoani Arusha si soko rasmi lakini hata hivyo limekua msaada mkubwa kwa wakazi wa kata hiyo na maeneo ya jirani.

                              Habari na; Eliamini Mchome na Rosemery Mmbando.

ARUSHA;SALUNI NI KAZI KAMA KAZI NYINGINE..........

Mmiliki wa saluni mama Sundy akimuhudumia mteja wake.picha na MARIAM HIZZA. 

 

Kutuka kushoto ni mwandishi wa gazeti la ajtc akimuhoji mmiliki wa saluni iliyoko kwa morombo Arusha mama Sundy mapema leo.picha na MARIAM HIZZA.

Mteja akiwa saluni kwa mama Sundy akihudumiwa.picha na MARIAM HIZZA.

Habari na MARIAM HIZZA,

Wafanyakazi wa saloon wamelalamikia wateja wao ambao wana tabia ya kutaka kupunguziwa bei ambayo inakuwa ndogo ukilinganisha na maisha yalivyopanda kwa sasa.

  Akizungumza jana na mwandishi wetu mmoja wa wafanyakazi wa saloon iliyoko arusha maeneo ya kwa morombo aliyejitambulisha kwa jina la mama Sundy alisema kuwa wateja wake wajaribu kuangalia na hali ya maisha yalivyo.

 Mama huyo alisema kuwa licha ya wateja kutaka kupunguziwa bei pia wakikataa huwa wanahama na kuenda saloon nyingine kitendo ambacho kinawapunguzia wateja. 

                 “Utakuta mteja anataka apunguziwe bei na ukiangalia bei wanayotaka ni ndogo sana ukilinganisha na maisha                       ya sasa yamepanda yako juu sana”alisema mama Sundy.

Hata hivyo mama sundi alisema inabidi wateja ifike kipindi wawe waelewa kwani hela hiyohiyo  hutumika kulipia vyumba na hata kutumia kwa ajili ya mahitaji ya familia.

  Wateja walisema kuwa ni kweli kuna baadhi ya wateja wamekuwa na tabia hiyo ambayo hurudisha nyuma maendeleo.

Mmoja wa wateja hao aliyejitambulisha kwa jina la Halima alisema kuwa wapo baadhi ya wateja wenye tabia hiyo na kusema kuwa wawe wanawaonea huruma kwani hali ya maisha kwa sasa ni ngumu.

                 " Wateja tunatakiwa tuiheshimu kazi ya saloon na kuiona ni kazi kama kazi nyingine   tujaribu kuwaonea                                huruma kwani nao wana familia zinazowategemea”alisema bi Halima.

 Mama sundy alimalizia kwa kusema ifike kipindi watu wakubali kazi za watu na kuziheshimu kwani kufanya hivyo kutasaidia maisha kuwa mepesi hali ambayo itasaidia kupunguza umaskini hapa nchini.

   

BIASHARA YA NYAMA YA MBUZI YASHAMIRI JIJINI ARUSHA

kutoka kushoto ni muuzaji wa nyama yambuzi Bw.Rafael Isaya aakizungumza na mteja maeneo ya kwa Morombo Arusha

Baadhi ya wafanyabiashara wa nyama katika soko la kwa morombo lililopo mkoani arusha wameeleza jinsi wanavyonufaika na kazi hiyo ya uchomaji wa nyama ya mbuzi.

Akizungumza na waandishi wahabari mmoja wa wafanyabiashara hao Bw.Rafaeli Issaya amesema kuwa,biashara ya uchomaji wa nyama ya mbuzi imemnufaisha kwa kiwango kikubwa cha maisha yake na familia yake.

Amesema kuwa nyama hiyo ya mbuzi iliyochomwa kiasi cha kilo moja huuzwa kwa bei ya shilingi elfu sita wakati mguu uliochomwa wennye kilo mbili huuzwa kwa shilingi elfu kumi.

Pia Bw.Rafaeli amesema kuwa kwa siku za kawaida huchinja mbuzi wawili hadi watatu lakini kwa siku za wikiendi anaweza kuchinja mbuzi wanne mpaka mpaka sita na kuuza nyama yote.

‘’kwa siku za kawaida nachinja mbuzi watatu lakini inapofika siku za wikieni nachinja mbuzi watano mpaka sita na nauza nyama yote inaisha maana wateja wanakuwa wengi sehemu zote’’

Pichani ni Bw. Rafael Isaya akimuhudumia mteja

Aidha Bw John Paul ambaye pia nimfanya biashara wa nyama choma ameeleza changamoto wanazokumbana nazo ikiwemo ya wafanya biashara hao kuwa wengi sehemu hiyo na huku wengine wakiwa na wateja wao wa kudumu.

Amemalizia kwa kutoa ushauri kwa wafanya biashara wengine kufanya kazi hiyo katika hali ya usafi ili kuepuka mlipuko wa magonjwa ambayo ni hatari sana kwa binadamu.

Habari na ;OMARI SINGANO pamoja na GUDILA KULAYA

AJTC STARS NA AJTC QUEENS WAJIPANGA KUSHINDA BONANZA ARUSHA.

Pichani: kulia ni Mratibu wa michezo katika chuo cha uhandishi wa habari na utangazaji Arusha Bw Onesmo Elia Mbise akizungumza na mwandishi wa habari Geofrey Mashauri kutoka Ajtc Tv.

 Timu kutoka chuo cha uhandishi wa habari na utangazaji Arusha{Ajtc stars &Ajtc queens}zimejipanga katika bonanza la vyuo vya ufundi mkoani Arusha.

UJASIRIAMALI NDIYO MKOMBOZI WA MWANAMKE NCHINI

Wanawake nchini wametakiwa kujishughulisha kwa kufanyakazi za ujasiriamali na kuacha kuwategemea wanaume zao katika kuendesha maisha.

Wito huo umetolewa na wanawake wauzao chakula (mama ntilie) jijini Arusha walipokuwa wanaongea na mwandishi wa habari hizi mapema leo.

              ‘’Inatakiwa wanawake tujishughulishe tuache kumtegemea mwanaume kwa kila kitu maana ajira zipo na hata wakija kwangu ninatoa ajira pia”,alisema mmoja wa wajasiriamali hao ambaye hakutaka kutajwa jina lake

Pichani; Baadhi ya vyombo wanavyotumia wajasiriamali hao (picha na Nassor Amour)

Wakiongea kwa kusisitiza walisema wanawake wanatakiwa kujishughulisha Zaidi kwa kuwa wanaweza na si kila kitu katika kuendesha maisha wakamtegemea mwanaume tu.

Wanawake hao walielezea faida zinazopatikana ktokana na kazi za ujasiriamali kuwa ni kukidhi mahitaji yao ya kila siku,kupata umaarufu,kusaidizana majukumu na mwanaume na pia kujishughulisha kama mwanamke.

Aidha walibainisha changamoto wanazokutana nazo kutokana na kazi hizo za ujasiriamali kuwa ni wivu baina ya wao kwa wao,usumbufu na dharau kutoka kwa wateja na pia bwana afya kuwataka kuvalia sare wakati wa kazi

                   “Changamoto tunazokutana nazo ni wivu kwa sisi wenyewe,bwana afya analazimisha kuvaa sare,usumbufu kwa wateja na pia hawa wateja wetu hawatuheshimu kabisa”,aliongea Bi. Maryam Abubakar

Pichani; MMoja wa waateja wa wajasiriamali hao (Picha na Nassor Amour)

Pia walieleza kuwa kuna ushindani wanaopeana lakini wameeleza kuwa riziki anatoa mungu na kila mmoja ana fungu lake ila dawa pekee ya ushindani huo ni kujituma na kuboresha huduma zao.

                   “Ushindani upo kila mahali ila kiukweli riziki inatoka kwa mungu na kila mmoja ana fungu lake ila inatakiwa tuboreshe huduma zetu na kujituma pia”, alieleza mama Soni

Kwa upande wa wateja wao wamelaumu hali ya usafi katika mazingira wanayofanyia kazi na wakumbuke kuwa wanatoa huduma hiyo ya chakula kwa binaadamu.

Akizungumza na mwandishi wa habari hii mmoja wa wateja wa wajasiriamali hao Bi. Shadya Khamisi alisema huduma zao ni nzuri ila hakuna budi kupewa semina ya usafi.

Pichani; Bi.Shadya Khamisi akielezea hali ya usafi wa mama ntilie jijini Arusha(picha na Nassor Amour)

                     “Kiukweli huduma zao ni nzuri kiasi lakini usafi haupo unakuta mtu anapika kichwa kikiwa wazi na vumbi la magari na pikipiki linaingia kwenye vyakula ila ninaamini wakipewa semina ya usafi itakuwa vizuri zaidi”, alishauri Bi. Shadya Khamisi

Mwisho kabisa waliwaahidi wateja wao kuwa wategemee huduma bora zaidi kutoka kwao kqa vyakula bora na vyenye kujenga afya zao ila tu waheshimiwe kama watu wanaofanya kazi zingine.

Habari na Nassor Amour na Beatrice Mbowe

ARUSHA............ A.J.T.C:YABORESHA MIUNDOMBINU

   Afisa masoko wa chuo cha Uandishi uandi wa habari na  

                                utangazaji  Arusha  Israel Mungule Kulia,Akizungumza na Mwandishi wa habari                               Prisca Mushi  ofisini kwake mapema leo.picha na SALEHE ABDALLAH.

                       

Habari na Prisca Mushi,,Picha na SALEHE ABDALLAH.

Afisa masoko katika chuo cha uandishi wa habari  na utangazaji arusha bwana Israel mungure amebainisha mbinu mbalimbali wanazo tumia katika kukitangaza chuo hicho.

Akizungumuza  na waandishi wa habari mapema jana katika ofisa yake Bwana Mungure alisema kuwa wanatembelea shule mbalimbali za sekondari na kuwatangazia wanafuzi wanao hitimu kidato cha nne na kuwa na sifa za ufaulu ili kujiunga na  chuo hicho.

Aidha  alisema kuwa wanatumia vyombo mbalimbali vya habari kukitangaza chuo hicho kupitia  radio safina,sauti ya injili moshi,radio 5, na nyingine nyingi kupitia matangazo yanayorushwa kwa siku mara tatu.

Bwana; mungure  ameeleza pia kuwa wanatumia mitandao ya kijamii kama face book,tuvuti,pamoja na barua pepe ili kuhakikisha matangazo yao yanawafikia walengwa kwa wakati muafaka, 

‘Pia tunasambaza vipeperushi sehemu mbalimbali kwa ajili ya kukitangaza chuo chetu kwa watu ’’alisema mungure.

Pamoja na hayo mungure alisema wamefanikiwa kwa kiasi kikubwa  kupata wanafunzi wengi kutoka mikoa mbalimbali hapa nchini ikiwemo mkoa wa Kilimanjaro Tanga, Iinga Da es salaam pamoja na mikoa jirani ya Arusha.

     Alisema kuwa wanampango wa kuboresha  majengo na miundombinu  ili kupata wanafunzi wengi zaidi  kutoka sehemu mbalimba za nchi na pamoja na nje ya nchi.

Kutokana na uchache wa madarasa katika chuo hicho Mungure amesema wanampango wa utafuta eneo kubwa zaidi  ili kukidhi mahitaji ya wanafunzi wote.

Sanjari na hayo  alibainisha changamoto wanazo kumbananazo ni pamoja na gharama za matangazo kuwa juu  kwa baadhi ya vyombo vya habari wanavyo vitumia katika kukitangaza chuo hicho

”Gharama za matangazo zipo juu na  kwawakati mwingine tangazo halipi gwi kwa wakati kama mkataba unavyo sema”alisema israei mungure.

 Alimalizia kwa kuwashauri wazazi   na walezi  kuwaleta watoto wao ili kupata elimu bora ya uandishi wa habari na utangazaji kwani ni chuo  hicho kina shikilia nafasi ya  pili kwa  ubora hapa nchini kutokana na kuwa  na walimu  bora studio za Radio na Tv za mafunzo kwa vitendo  ili kuwa patia uzoefu wanafunzi wanao soma katika chuo hicho.

UJASIRIAMALI NDIYO MKOMBOZI WA MWANAMKE NCHINI

 Wanawake nchini wametakiwa kujishughulisha kwa kufanyakazi za ujasiriamali na kuacha kuwategemea wanaume zao katika kuendesha maisha.

Wito huo umetolewa na wanawake wauzao chakula (mama ntilie) jijini Arusha walipokuwa wanaongea na mwandishi wa habari hizi mapema leo.

Baadhi ya vyombo vinavyotumiwa na wajasiriamali hao(picha na Nassor Amour)

  

              ‘’Inatakiwa wanawake tujishughulishe tuache kumtegemea mwanaume kwa kila kitu maana ajira zipo na hata wakija kwangu ninatoa ajira pia”,alisema mmoja wa wajasiriamali hao ambaye hakutaka kutajwa jina lake

Wakiongea kwa kusisitiza walisema wanawake wanatakiwa kujishughulisha Zaidi kwa kuwa wanaweza na si kila kitu katika kuendesha maisha wakamtegemea mwanaume tu.

Wanawake hao walielezea faida zinazopatikana ktokana na kazi za ujasiriamali kuwa ni kukidhi mahitaji yao ya kila siku,kupata umaarufu,kusaidizana majukumu na mwanaume na pia kujishughulisha kama mwanamke.

Aidha walibainisha changamoto wanazokutana nazo kutokana na kazi hizo za ujasiriamali kuwa ni wivu baina ya wao kwa wao,usumbufu na dharau kutoka kwa wateja na pia bwana afya kuwataka kuvalia sare wakati wa kazi

                   “Changamoto tunazokutana nazo ni wivu kwa sisi wenyewe,bwana afya analazimisha kuvaa sare,usumbufu kwa wateja na pia hawa wateja wetu hawatuheshimu kabisa”,aliongea Bi. Maryam Abubakar

  

Pia walieleza kuwa kuna ushindani wanaopeana lakini wameeleza kuwa riziki anatoa mungu na kila mmoja ana fungu lake ila dawa pekee ya ushindani huo ni kujituma na kuboresha huduma zao.

                   “Ushindani upo kila mahali ila kiukweli riziki inatoka kwa mungu na kila mmoja ana fungu lake ila inatakiwa tuboreshe huduma zetu na kujituma pia”, alieleza mama Soni

Kwa upande wa wateja wao wamelaumu hali ya usafi katika mazingira wanayofanyia kazi na wakumbuke kuwa wanatoa huduma hiyo ya chakula kwa binaadamu.

Akizungumza na mwandishi wa habari hii mmoja wa wateja wa wajasiriamali hao Bi. Shadya Khamisi alisema huduma zao ni nzuri ila hakuna budi kupewa semina ya usafi.

                     “Kiukweli huduma zao ni nzuri kiasi lakini usafi haupo unakuta mtu anapika kichwa kikiwa wazi na vumbi la magari na pikipiki linaingia kwenye vyakula ila ninaamini wakipewa semina ya usafi itakuwa vizuri zaidi”, alishauri Bi. Shadya Khamisi

Mwisho kabisa waliwaahidi wateja wao kuwa wategemee huduma bora zaidi kutoka kwao kwa vyakula bora na vyenye kujenga afya zao ila tu waheshimiwe kama watu wanaofanya kazi zingine.

Habari na Nassor Amour na Beatrice Mbowe 

Alshabaab lathibitisha kifo cha Godane

NA SALEHE ABDALAH,,,,,CHANZO BBC SWAHILI

Wapiganaji wa Alshabaab

Kundi la wapiganaji wa kisomali Al-shabaab limethibitisha kuwa kiongozi wake Ahmed Abdi Godane aliuawa siku ya jumatatu katika shambulizi la angani lililotekelezwa na wanajeshi wa Marekani.

Msemaji wa Alshabaab amesema kuwa wanachama wengine wawili wa kundi hilo pia walifariki katika shambulizi hilo ,yapata kilomita 170 kusini mwa mji mkuu wa Mogadishu .

Ripoti zinasema kuwa kundi la Alshabaab limemchagua kiongozi mpya Ahmad Omar,katika mkutano uliofanyika katika eneo lisilojulikana.

Mwandishi wa BBC mjini Nairobi amesema kuwa kiongozi huyo hafahamiki vyema.

SIMBA SC KUINGIA KAMBINI MBEZI BEACH KESHO

Na SALEHE ABDALA, 

SIMBA SC inaingia kambini kesho katika hoteli ya Shynovo, eneo la Africana, Mbezi Beach, Dar es Salaam kwa maandalizi ya mwisho ya Ligi Kuu ya Vodacom Tanzania Bara.
Baada ya ushindi wa mabao 3-0 dhidi ya Gor Mahia ya Kenya jana Uwanja wa Taifa, Dar es Salaam, wachezaji wa Simba SC leo wamepewa mapumziko na kesho wataanza mazoezi Uwanja wa Boko Veterani.
Ijumaa wiki hii, Simba SC itasafiri hadi Mtwara kwa ajili ya mchezo wa kirafiki dhidi ya wenyeji Ndanda kwenye Uwanja wa Nangwanda Sijaona Jumamosi jioni.

Mikono salama; Kipa namba moja wa Simba SC, Ivo Mapunda akiwaongoza wachezaji wenzake kuingia uwanjani jana dhidi ya Gor Mahia

Baada ya hapo, Wekundu hao wa Msimbazi watarejea Dar es Salaam kuendelea na maandalizi ya Ligi Kuu.
Kikosi cha kocha Mzambia, Patrick Phiri kimeonyesha kipo vizuri kuelekea Ligi Kuu, kutokana na kushinda mechi zake zote nne za majaribio.
Simba SC ilizifunga 2-1 Kilimani City, 2-0 Mafunzo na 5-0 KMKM, mechi zote zikipigwa Uwanja wa Amaan, Zanzibar kabla ya jana kuifumua 3-0 Gor Mahia. 
Ligi Kuu inatarajiwa kuanza Septemba 20, mwaka huu, mabingwa watetezi, Azam FC wakifungua dimba na Polisi Morogoro Uwanja wa Azam Complex, Chamazi, Dar es Salaam Septemba 20, mwaka huu, wakati Yanga SC waliomaliza nafasi ya pili wataanza na Mtibwa Sugar Uwanja wa Jamhuri, Morogoro siku hiyo.
Washindi wa tatu, Mbeya City wataanza na JKT Ruvu ya Pwani, Uwanja wa Sokoine, Mbeya Septemba 20 na washindi wa nne Simba SC watafungua dimba na Coastal Union Uwanja wa Taifa, Dar es Salaam Septemba 21.
Mechi nyingine za ufunguzi za Ligi Kuu zitakuwa kati ya Stand United watakaoikaribisha Ndanda ya Mtwara Uwanja wa Kambarage, Shinyanga, Mgambo JKT wataikaribisha Kagera Sugar Uwanja wa Mkwakwani, Tanga na Ruvu Shooting watakuwa wenyeji wa Prisons Uwanja wa Mabatini, Mlandizi mkoani Pwani.
Ikumbukwe ligi hiyo, itatanguliwa na mchezo wa Ngao ya Jamii Septemba 14 kati ya Azam FC dhidi ya Yanga kuashiria ufungzi rasmi wa msimu huo mpya wa ligi hiyo.PICHA KWA HISANI YA BIN ZUBEIRY

CARL FRAMPTON AMTWANGA KIKO MARTINEZ NA KUBEBA TAJI LA DUNIA

na SALEHE ABDALAH

Kitu kimefika: Bondia Muingereza, Carl Frampton kulia akiwa amemchapa ngumi ya usoni kwa mono wa kulia Kiko Martinez katika pambano ambalo alishinda kwa pointi 119-108, 119108 na 118-111 kutwaa ubingwa wa dunia wa IBF uzito wa Super Bantam mjini Belfast.

Martinez alidondoshwa chini raundi ya tano, lakini akasimama imara na kumalizia vizuri pambano

Bingwa mpya: Frampton akiwa amevishwa taji lake la dunia baada ya kumshinda Martinez nyumbani mjini Belfast

BAADA YA EBOLA KUWA TISHIO UMOJA WA AFRIKA WAKUTANA KUJADILI...

Umoja wa Afrika (AU) umeitisha kikao cha dharura kwa ajili ya kukabiliana na kasi ya kuenea virusi vya homa ya Ebola barani humo. AU imetangaza kuwa katika kikao hicho kitachofanyika wiki ijayo kutajadiliwa njia za kuzuia kuenea virusi vya Ebola.

Wazazi wa Sotloff watoa kauli yao!!!!

Steven Sotlof

Familia ya mwandishi wa habari Steven Sotloff hatimaye imezungumza kwa mara ya kwanza tangu mtoto wao auawe na wapiganaji wa dola ya Kiislam IS na picha za mauaji hayo kuonyeshwa.

Akizungumza kwa niaba ya familia hiyo, Barak Barfi kutoka taasisi ya America Foundation think tank akiwa nyumbani kwao Pinecrest, Florida amemuelezea Sotloff kuwa ni mtu aliyefanya kazi yake kwa niaba ya wanyonge wa Mashariki ya kati.

Wanafamilia hao wamesema mtoto wao hakuwa tu shujaa bali ni wa namna yake ambaye daima alikuwa akitafuta kurejesha nuru palipo na giza.

Hata hivyo wazazi hao wa Steven walitoa heshima zao pia kwa kifo cha James Foley aliyechinjwa pia na wapiganaji hao wa dola ya Kiislam ya IS.    HABARI NA ROSEMARY MMBANDO.       chanzo ni BBC SWAHILI.