JUMUIYA YA KIISLAMU YAUNGANA NA MAASKOFU KUMTETEA WARIOBA

Habari na Beatrice mbowe.

Msemaji wa Jumuiya na Taasisi za Kiislamu nchini, Rajab Katimba akizungumza na waandishi wa habari jana, kuhusu mambo mbalimbali ikiwa ni pamoja na mchakato wa Katiba. Kulia ni Wajumbe, Shaban Ibrahim na Suleiman Abdallah. 

 Jumuiya na Taasisi za Kiislamu Tanzania imeungana na maaskofu mbalimbali kuwataka wajumbe wa Bunge la Katiba kuheshimu Rasimu ya Katiba iliyowasilishwa kwa mujibu wa sheria na Tume ya Mabadiliko ya Katiba.

Pia, taasisi hiyo imemtaka Waziri wa Nchi, Ofisi ya Waziri Mkuu (Sera, Uratibu na Bunge), William Lukuvi kujiuzulu nafasi zake zote za uongozi kutokana na kauli waliyodai ya kichochezi, aliyoitoa katika Kanisa la Methodist, Jimbo la Dodoma kuwa ukipitishwa muundo wa serikali tatu, jeshi litachukua nchi kwa sababu itashindwa kuwalipa mishahara.

Akizungumza na waandishi wa habari jana, Msemaji wa Jumuiya na Taasisi hizo, Sheikh Rajab Katimba alilaani kauli kuhusu jeshi na kuwa makanisa yote yatafungwa na nchi itakosa amani kutokana na kupitisha muundo huo wa serikali.

               

Sheikh Katimba alisema Rasimu ya Katiba iliyowasilishwa bungeni na aliyekuwa Mwenyekiti wa Tume ya Mabadiliko ya Katiba, Jaji Joseph Warioba imetokana na utafiti na uchambuzi wa maoni ya wananchi wa Tanzania Bara na Visiwani ili kuboresha Muungano kutatua kero zilizodumu kwa miaka 50 sasa.

Msimamo

Jumuiya hiyo iliweka wazi msimamo wake wa kutaka serikali tatu na kutaka maoni ya makundi mbalimbali ndani ya Bunge la Katiba kuheshimiwa.

Mjumbe wa Jumuiya hiyo, Sheikh Ramadhan Sanze pia amesema si ustaarabu kwa kundi moja kuhodhi mchakato kwa masilahi binafsi.

Alisema kukosoa maoni ya waasisi wa Taifa si dhambi kwa sababu wao hawakuwa Mungu kwamba hawakosei, badala yake amependekeza watu waachwe wazungumze kwa utashi wa matakwa yao juu ya kile kilichowasilishwa na Tume ya Mabadiliko ya Katiba.

“Nchi hii haithamini mchango wa wataalamu, tumeona Tume ilivyofanya kazi nzuri, leo hii wanatukanwa hadharani, nawashangaa sana viongozi wa nchi hii,” alisema.

Sheikh Sanze amesema miiko na misingi waliyoiweka waasisi wa Taifa inavunjwa na viongozi wenyewe ambao leo wanasema waasisi wanatukanwa kwa kuwa wamependekeza serikali tatu badala ya mbili walizounda waasisi.

“Kulikuwa na utaratibu wa kubadilishana awamu za uongozi katika Serikali ya Muungano, awamu hii rais akitoka Tanzania Bara, ijayo atatoka Zanzibar; hii ndiyo misingi waliyoiweka waasisi, mbona leo haifuatwi? Huu ni unafiki...” alifafanua Sheikh Sanze.

Jumuiya hiyo imewataka wananchi wote kuendelea na mshikamano katika kutengeneza Katiba Mpya yenye maridhiano na itakayoondoa kero zilizodumu kwa zaidi ya miaka 50.

NB:Habari  hii waweza kupata kutoka mwananchi communication.

FM ACADEMIA WAJA TENA

 wasanii wa bendi ya fm Academia wakiwa jukwaani wanaimba wapili kulia ni Rais wa bendi Nyoshi

Rapa wa bendi  ya Fm Academia akiwa anashambulia jukwaa wakati wa shoo

Wanenguaji wa bendi ya Fm wakiwa kazini  wote hawa watakuwepo katika  uzinduzi huu wa Albamu ya Chuki ya nini usikose ni balaa.

HABARI NA GEOFREY MASHAURI

Fm  Academia baada ya kukaa kwa muda wa miaka 4 (minne) yaani kuanzia mwaka 2010 mpaka 2013 sasa wanatarajia kuzindua rasmi  album mpya kabisa inayojulikana kwa jina la Chuki ya nini ndani ya jiji la Arusha na vitongoji vyake .

 Album ya chuki ya nini imebeba nyimbo kumi ndani yake,nazo ni:-Chuki ya nini, Fataki ,Otilia ,Ndoa ya kisasa,Neema,Dai chako ulaumiwe,Maisha,Madudu,Miraessa.album ya chuki ya nini ni album yenye kiwango cha kimataifa ambapo nyimbo hizi zote zitazinduliwa rasmi septembar tano mwaka huu ndani ya viwanja vya  ukumbi wa Triple A jijini Arusha

Akizungumza na waandishi  wa habari jijini hapa mkurugenzi wa SB Intamenti Seif Manyota alisema kuwa bendi hiyo inatarajia kutua jijini Arusha kwa kishindo kwa ajili ya uzinduzi huu wa albamu mpya ambapo alibainisha kua tukio hilo litakuwa la kihistoria.

Alisema kuwa  hii ni mara ya kwanza kwa bendi hii  kuzindua albamu  nje ya mkoa wa dar es salaam na kwa hivyo wameamua kuwapa heshima kubwa wapenzi wa bendi hiyo wa mkoa wa Arusha  pamoja na mikoa ya kanda ya kaskazini kwa ujumla hii ikiwa ni heshima ya kipekee.

"uzinduzi huu wa  albamu sio tu tunazindua  nyimbo mpya bali tunazindua pia vyombo vipya na staili mpya za kuicheza gwasuma kama vile mnavyojua bendi ya fm  ni wazee wa pamba wazee wa kushambulia jukwaa"alisema Manyota

Aidha alibainisha kuwa kwa mkoa wa Arusha wameamua kuwapa kipaumbele na pia kwakuwa kunawapenzi wengi wa ngwasuma wameamua kufanya shoo hii nje ambapo ,kutafugwa jukwaa la kisasa  kabisa.

Alitaja baadhi ya nyimbo ambazo zipo katika albamu ambayo inazinduliwa kuwa ni pamoja na Chuki ya nini,ndoa ya kisasa fataki  pamoja na nyinginezo.

Aidha kwa upande  mungine alisema uzinduzi huu autaishia Arusha tu bali wakazi wa Moshi na Tanga nao watapata burudani hii na kuzitambua staili mpya pamoja na nyimbo mpya zilizopo kwenye albamu hii.

Alisema kua pia kutakuwa na CD na DVD za albamu hiyo mpya iliyozinduliwa huku akisema kuwa kwa upande wa Arusha kiingili    akuwa 20000 na unapatiwa CD moja buru mlangoni.

kwa upande wa Rais wa bendi hiyo Nyoshi alisema kuwa timu  yake yote imejipanga vyema kuwapa burudani ya nguvu wakazi wa Arusha  na kuwapa staili mpya ikiwemo ile ya vundesa  ambapo alisema kuwa wameiboresha na imekuwa ya kiufasaha  zaidi  na ina vinjonjo vingi zaidi ,staili tamu  pamoja na maneno matamu.

Alisema kuwa lengola kubwa la kuzindua albaimu hii apa jijini Arusha ni pamoja na kuwaelewesha wapenzi wao nyimbo mpya na kuakikisha wapenzi wao wanajua staili zao zote za  nyimbo hizo na  sio ivyo tu pia alisema kuwa kwa kipindi  hiki wanataka kuwa wakazi wa arusha zawadi ya kuwaletea wasanii wote wa bendi hiyo ambapo alisema wapo 32  na wote watafika jijini Arusha

PINDA AFUNGUKA

Waziri Mkuu, Mizengo  Pinda leo amefungua mkutano wa Mawaziri wa Afrika wa Mazingira na Mawaziri wa Mambo ya nje kutoka katika baadhi ya nchi za Afrika jijini Dar es Salaam.

HABARI NA MARIAM HIZZA

Mkutano huo ambao ufunguzi wake uliongozwa na agenda kuu iliyozungumzia mwongozo wa namna ya kushughulikia changamoto zitokanazo na athari za mabadiliko ya tabianchi, na ambavyo nchi zaAfrika zitakavyoweza kunufaika na rasilimali zinazotolewa na nchi zinazoendelea ili kukabiliana na jangahilo.

Aidha Waziri mkuu Pinda alielezea kuwa mkutano huo pia una umuhimu kwa nchi za bara la Afrika piautahusisha namna ambavyo serikali za Afrika zinaweza kukabiliana athari zitokanazo na mabadiliko yaTabiachi. Pia alisema kuwa mkutano huu ni sehemu ya maandalizi ya mkutano mkubwa wa mabadilikoya Tabianchi utakaofanyika mjini Newyork Marekani unaotegemewa kufunguliwa na Katibu Mkuu waUmoja wa Mataifa Bw. Ban KI Moon.

“Wote tunafahamu kwamba mabadiliko ya Tabianchi yanaathari kubwa kwa dunia nzima ila madharayake yanatofautiana kutokana na mabara, vizazi, umri, nafasi, matabaka pamoja na kipato” Aliongezakuwa kutokana na uchumi tegemezi wa nchi nyingi za Afrika nchi hizo zimekuwa zikiathirika zaidi

kutokana na sababu mbalimbali ikiwemo kiwango kidogo cha kuhimili athari zitokanazo na mabadilikoya Tabianchi na kuwa na uchumi mbovu.

Aliendelea kusema kuwa Afrika na Jamii za kimataifa zinatakiwa kuwa na utashi wa kisiasa katikakuungana kwa pamoja ili kuweza kushirikiana katika kupunguza uzalishaji wa gesi joto pia katika kuhimilina kukabiliana na athari hizo.

Mkutano huo wa Mabadiliko ya tabianchi uliofanyika leo jijini Dar-es-salaam umehusisha baadhi yaMawaziri wa Mazingira na Mawaziri wa Mambo ya nje ambao ni wajumbe wa kamati ya nchi za Afrika yaMabadikliko ya Tabianchi

SAKATA LA OKWI

Mwenyekiti wa Yanga FC Bw Yusuf Manji (kulia) akiongea na waandishi wa habari leo makao makuu ya klabu juu ya sakata la Okwi, kushoto ni makamu mwenyekiti Bw Clement Sanga
HABARI NA HEMED HAMIS 
 
Klabu ya Young Africans imemshitaki mchezaji Emmanuel Okwi kwa Shirikisho la Soka Tanzania (TFF) na kuwasilisha nakala kwa shirikisho la soka Barani Afrika (CAF) na shirikisho la soka duniani (FIFA) kwa kuingia mkataba na timu nyingine wakati akiwa bado ana mkataba wa miaka miwili.

Akiongea na waandishi wa habari makao makuu ya klabu ya Yanga mitaa ya Twiga/Jangwani, mwenyekiti wa Yanga Bw Yusuf Manji amesema wameshangazwa na kitendo hicho kilichofanywa na viongozi wa Simba , wakala wake na mchezaji mwenyewe.

"Emmanuel Okwi awali tulishapeleka malalamiko TFF na kuwapa nakala CAF na FIFA juu ya kufanya mazungumzo na timu ya Wadi Degla FC ya nchini Misri na kufikia klabu hiyo kutuma ofa ya kutaka kumnunua bila kuwasiliana na uongozi wetu" alisema Yusuf.

Ikiwa hilo tunasubiria majibu kutoka TFF jana mchezaji huyo amesaini mkataba mwingine, hii inaonyesha ni jinsi gani mchezaji huyu kuna watu walikua wanamrubuni,kwa kusaini mkataba mwingine kitu ambacho amekiuka sheria za FIFA za usajili.

Baada ya kuona juzi amesaini mkataba na Simba, Yanga tulichokifanya jana ni kuandika barua nyingine TFF juu ya suala hilo na kuomba kulipwa fidia ya US Dollar 500,000 (sawa na TZS 800,000,000/=) kutoka kwa klabu ya Simba, wakala wake na mchezaji mwenyewe aliongeza "Manji"

Aidha uongozi wa Yanga umeiomba TFF kuwa imelipatia ufumbuzi suala hilo ndani ya siku saba, na kama siku saba zikikpita basi uongozi wa Yanga utakwenda moja kwa moja FIFA na ikishindakana mahakama ya soka CAS.

Lengo sio kuikomoa timu ya Simba, bali tunachotaka ni sheria ifuatwe, Okwi alikua ameitumikia klabu ya Yanga kwa kipindi cha miezi sita tu, na kuwa amebakiza mkataba wa miaka miwili mpaka msimu mwishoni mwa msimu wa 2015/2016.

Mchezaji anayekutwa na kosa la kusaini sehem mbili adhabu yake ni kufungiwa kucheza soka kuanzia mwaka mmoja na kuendelea huku klabu husika ikifungiwa kusajili kuanzia miaka miwili na kuendela na kushushwa daraja au adhabu zote kwa pamoja

UNAJUA KAMA KILA BINGWA ANA BINGWA WAKE? SOMA HII

MABINGWA MARA MBILI MFULULIZO WA KOMBE LA      TASWA WAPIGWA MVUA YA MABAO 

habari na NASSOR S AMOUR 

Mabingwa wa kombe la taswa kanda ya kaskazini ambao ni chuo cha uandishi wa habari na utangazaji Arusha (AJTC) wamemiminiwa mvua ya magoli matatu kwa mbili na timu ya SOMBETINI PARISH FC mapema wiki hii.

 Mtanange huo ambao umepigwa mida ya saa kumi za jioni katika viwanja vya FFU Arusha umezikutanisha timu hizo mbili katika robo fainali ya kombe la NANI ZAIDI lililojumuisha timu kama AJtC stars,Sombetini Parish fc,FFU na zingine kibao.

Ikiwa na mchezo wa sita kwa kila timu Sombetini Parish imejiwekea rekodi ya kutofungwa mechi hata moja katika ligi hii wakiwa wameibuka na ushindi wa michezo mitatu na suluhu katika michezo mitatu waliyoweza kucheza.

Na timu ya Ajtc stars imeweza kushinda michezo mitatu,sare mchezo mmoja  na kuchabangwa katika michezo miwili waliyoweza kucheza katika ligi hii,matokeo yamchezo huo umeitoa timu ya Ajtc stars katika mashindano na kuiruhusu Sombetini parish kuingia katika nusu fainali ya ligi hii.

Mabao katika mchezo huo,Ajtc stars ilianza kwa kutupia goli kupitia mpira wa adhabu uliopigwa na mshambuliaji wa timu hiyo Fred ’16 dakika ya tatu ya mchezo huo ambae pia alirudi golini na kutupia bao la pili katika dakika ya tisini ya mchezo.

Pichani ni baadhi ya wachezaji wa Ajtc stars

 Kwa upande wa washindi wa mchezo huo Sombetini Parish  mabao yaliwekwa kimyani na Emmanuel ’11 katika dakika arobaini ya mchezo,bao la pili kupitia nahodha wa timu hiyo Sam Petro dakika arobaini na tano ya mchezo na kapu la  mabao lilihitimishwa na Frank Ally kupitia mkwaju wa penati dakika ya sabini ya mchezo.

(Pichani) Kocha wa AJTC stars bwana Idrissa Bakari akiongea na wanahabari uwanjani Field force

 Mchezo huo ambao timu hizo zilionyesha kukamiana na kila mmoja kutaka kulichungulia lango la mwenzie ila Sombetini iliibuka kidedea kwa mabao 3-2 dhidi ya Ajtc stars.

Akizungumza na mwandishi wa habari hizi kocha wa timu ya Ajtc stars amesema huo ni moja ya mchezo sababu kuna kushinda,kushindwa na suluhu na kupoteza mchezo wa leo ni changamoto kwake,Pia akaongezea kusema japo watu wanamlaumu kuchezesha mamluki katika kikosi chake akasema hayo ni maneno ya mashabiki tu. 

           “unajua kushindwa,kushinda na suluhu ni moja ya mchezo na kupoteza mchezo wa leo ni changamoto kwangu na siwezi kuwa ‘’BLAME’’ wachezaji wangu wameshindwa kutengeneza ‘’chemistry’’ ya mchezo na nahitajika kujipanga kwa michuano mingine kuhusu mamluki hao ni mashabiki tu wanaongea hivyo”,alisema kocha Idrissa Bakari

Pichani Mwenye suti nyeusi Kocha wa Sombetini bwana Kamanda akitoa ufafanuzi juu ya mchezo wa leo kwa waandishi wa habari

Nae kocha wa Sombetini Parish amesema ushindi huu ulikuwa ni wa lazima kwao kutokana na maandalizi ya michuano hiyo waliyoyafanya kuanzia mwanzo na wamejipanga vizuri katika kuingia katika nusu fainali ya michuano hiyo na amelaumu kwa wachezaji wake kupewa kadi zisizo za lazima.

         ‘’Yaa ushindi wa leo ulikua ni wa lazima kwetukutokana na maandalizi katika mashindano haya tuliyoyafanya tokea mwanzo na tumejipanga vizuri kwa kufanya mazoezi na leo tumepewa kadi zisizo za lazima ila si kwamba timu haina nidhamu’’,alisema kocha Kamanda.

Pichani mashabiki wa Sombetini Parish wakisherehekea ushindi dhidi ya Ajtc stars

 Ushindi wa huu umewapa nafasi Sombetini Parish kuwa na mchezo siku ya ijumaa na wanasema wamejipanga vyema katika kuingia kwenye mchezo huo na kuahidi ushindi kwa timu hiyo.

Pia mwandishi wetu aliweza kuongea na mashabiki wa timu zote mbili na kusema timu zo zimecheza vilivyo na matokeo yaliyotokea ni moja ya mchezo na wameahidi kuendelea kuzishabikia timu zao.