KIWANGO CHA NIDHAMU YA WANAFUNZI CHA ONGEZEKA

Arusha

Na Olimpia Mallya 

Wito umetolewa kwa wafunzi wa chuo cha uandishi wa habari na utangazaji Arusha (AJTC) kujikita zaidi katika masomo yao ili kufikia malengo yao yaliyowaleta chuoni hapo.

Rai hiyo imetolewa na mwalimu mlezi wa wafunzi chuoni hapo Neema Ezekieli Mwaipela wakati akizungumza na mwandishi wa habari ofisi kwake kuhusu maendeleo ya wanafunzi chuoni hapo.

Mwalimu mlezi wa wanafunzi wa habari na utangazaji Arusha (AJTC) Neema Ezekieli Mwaipela akizungumza na wandishi wa habari ofisini kwake kuhusu mienendo ya wanafunzi chuoni hapo. (picha na Grace Mboya)

Hata hivyo alisema  kuwa utoro umepungua kwa kiasi kikubwa kulinganisha na kipindi cha nyuma ambapo wanafunzi waliowengi walikuwa wakishuka kiwango cha ufaulu kutokana na kukosa vipindi  darasani na kunyimwa kufanya mitiani ya mwisho wa muhula kwa kutokuwa na sifa zinazo hitajika .

Akizungumza mienendo ya wanafunzi alisema kuwa baadhi yao wamekuwa 

wakijichukulia maamuzi ya kupeleka kesi mbele ya sheria bila kuhusisha uongozi wa chuo na kuwaomba wasifanye hivyo kwani kufanya hivyo ni kuudharau uongozi wa chuo.

“Unakuta wanafunzi wenyewe wamekoseana au wamechukuliana vifaa kama vile laptop ,kamera  wakashindwa kulipana wanahamua kufikisha kesi mahakamani bila uongozi wa chuo kufahamu  huu ni utovu wa nidhamu na hugharimu uongozi wa chuo kufuata kesi mahakamani kuirudisha kwenye uongozi wa chuo”Alisema Neema Mwaipela mwalimu mlezi wa wanafunzi chuoni hapo.

Alisema changamoto kubwa iliyokuwa ikiwakabili wanafunzi kuwa wajawazito pindi wakiwa kwenye masomo na kusema kuwa imepungua kwa kiasi kikubwa baada ya semina kutolewa.

“Baada ya kutoa semina kwa wanafunzi wakike kuhusu kujielewa au namna kuepukana na mimba wakiwa masomoni imeonesha manufaa kwetu kwani idadi ya wajawazito imepungua sana”Alisema Mwaipela.

Kwa upande wa wanafunzi wa kike chuoni hapo wametoa shukrani za dhati kwa uongozi wa chuo kwakuwapatia semina mbalimbali kwani zimewasaidia kufahamu mambo mengi waliyo kuwa hawafahamu.  
ajtctv.blogspot.com